الخميس، 3 مارس 2011

الانوثه...



الانوثه---- ومعانيها ---رساله الى فتاه مسلمه
**********************************
الانوثه مش بانك تهوسى عقل الشباب
الانوثه هو انك تحمى نفسك من العذاب
الانوثه شئ وكامن جوه منك وانتى باب
استرى عقلك بقلبك والبسى فرضك حجاب
اوعى تتميعى بكلامك او تقولى دول صحاب
تبقى تستهلى اللى يحصل والسؤال ملهوش جواب

ღღღ ღღღ ღღღ ღღღ ღღღ

الانوثة مش مجرد حبة احمر ع الشفايف
الانوثة مش فى انك تهوسى عقل اللى شايف
خافى من المولى اللى حبك حتى منه الكل خايف
ابعدى عن كل شبهه ؟ امهاتنا كتير عفايف

ღღღ ღღღ ღღღ ღღღ ღღღ

الانوثة نعمة غالية ربنا اللى اداها ليكى
وبايديكى تحفظيها او تضيع من بين ايديكى
احمدى ربك تملى واشكرى نعمو عليكى
اوعى تختالى بجمالك كله زايل من عنيكى

ღღღ ღღღ ღღღ ღღღ ღღღ

خلى صورتك جوه قلبك وامنعى الناس من الكلام
ولا تاخدى كلمه جارحه ولا احسن الاحترام
او هتخدى سهم جارح اسمو نظرات الحرام
انتى اصل الدنـــيا فعلا؟؟؟؟ليكى كل الاحترام
انتى زوجتى وانتى امى وانتى اختى انتى للاسره الامام

ღღღ ღღღ ღღღ ღღღ ღღღ

اقرى فى القران وسيبك من الاغانى و الصحاب
بكره راح تجنيه فى عملك مش بتامر اودياب
اعرفى سنه رسولك والبسى حجاب او نقاب
اوعى تلتفتى لكلامهم مش ده ارحم من العذاب

ღღღ ღღღ ღღღ ღღღ ღღღ

الزهور بيكون ريحتها طول مشوكها كتير حميها
لو فى يوم شوكها يسيبها الف ايد تتمد ليها
او قريبه فى يوم لربك يفضل المولى يراعيها
خلى نورك جوه قلبك والايمان هيكون مليها

ღღღ ღღღ ღღღ ღღღ ღღღ

خلى مكياجك ايمانك مش باحمر على الخدود
دخلى ايمانك فى قلبك بكره نصبح اكل دود
مش تعدى اى كلمه مهما كانت؟ قفلى كل السدود
كلمى فى الناس بحالها؟؟؟؟ والكلام دا ليه حدود

ღღღ ღღღ ღღღ ღღღ ღღღ

حجبى روحك بعطرك وارضى ربك وامشى راضيه
لو فى مره حد عكسك مش تردى بكلمه فاضيه
اوعى تدى فرصه ليهم وادى ليهم ضربه قاضيه
مش تقولى دول صحابى وفى هزار طول الطريق
من هزارك انتى هونتى وانتى هتكونى الغريق
خلى بالك من انوثتك اوعى ترضى هزار جرئ
يلسعك وهتاخدى طبعا والهزار نار الحريق

ღღღ ღღღ ღღღ ღღღ ღღღ

هو احسن ترضى ربك ولا ترضى الناس بحالها؟
الجمال ف الروح بينفع مش بشكلها او جمالها
هو ايه للبنت يشفع ؟ شكلها ولا عملها؟
مش تقولى ايه اللى حاصل؟؟ دى القطط اكلت عيالها

ღღღ ღღღ ღღღ ღღღ ღღღ

دا الجمال فى الروح بيفضل مهما بتعدى السنين
مش تقولى اسكت احسن يعنى هنكلم فىى مين
كلمى فى الناس بحالها بس شده مش ب لين
كونى بنت بالف راجل اخرسى ف الطماعين

ღღღ ღღღ ღღღ ღღღ ღღღ
سيرة البنت العفيفة هى احسن شئ يدوم
حبرها مكتوب بدينها مش بمكياج او هدوم
اوعى صوتك يعلا مره والرسول علم علوم
انتى ف ايديكى تكونى بنت نور وسط الغيوم

ღღღ ღღღ ღღღ ღღღ ღღღ

.انسى ماكياجك وسيبى نور الهك يملى وشك
بدلى مرايتك بقلبك مستحيل قلبك يغشك
صلى فرضك وارضى ربك اوعى خوفك يوم يهشك
انتى اجمل الف مرة لو جمالك جوه قلبك
مش مهم الخلق ترضى المهم حترضى ربك
هو ايه فى الكون دا يغلب لو اله الكون دا حبك؟؟
 ღღღ ღღღ ღღღ ღღღ ღღღ

تحياتى لكم جميعا.... اسأل الله الهدى لجميع بنات المسلمين نهايه اعلق تعليق بسيط(نصيحه من اخ لكل بنت) و شهاده من شاب والله و الله والله اى شاب فى الدنيا بيفهم لما يجى يختار اهم حاجه عنده الدين والاخلاق والصفات دى لو عايزه جوازه صح كونى البنوته الصح..
كوني فاطمه يكن لكِ علي ** او ** كن علياً تكن لك فاطمه
.جزاكم الله خيرا

هناك 8 تعليقات:

  1. هو احسن ترضى ربك ولا ترضى الناس بحالها؟
    الجمال ف الروح بينفع مش بشكلها او جمالها
    هو ايه للبنت يشفع ؟ شكلها ولا عملها؟
    مش تقولى ايه اللى حاصل؟؟ دى القطط اكلت عيالها


    ايه الجمال ده شعر ياخد العقل أسمحلى انسخه وأنقله مكان تانى أوك؟ مش هنسخه الا لما توافق

    الحمد لله انى طلبت توبيك للبنوته الصح علشان أقرأ حاجه جميله كده قبل ما أنام

    جزاكم الله خيرا

    تحياتى

    ردحذف
  2. اوك حضرتك...اتفضلى
    اهو كله فى ميزان حسناتنا

    ردحذف
  3. بسم الله وبعد
    بوركت أخي في الله على هذا الموضوع الرائع
    من مثقلات ميزانك يوم لا ينفع مال ولا بنون

    تحياتي لك :)

    ردحذف
  4. الزهور بيكون ريحتها طول مشوكها كتير حميها
    لو فى يوم شوكها يسيبها الف ايد تتمد ليها
    او قريبه فى يوم لربك يفضل المولى يراعيها
    خلى نورك جوه قلبك والايمان هيكون مليها

    ما شاء الله ولا قوه الا بالله

    ربنا يجزيك كل خير ويجعله فى موازين الحسنات

    ردحذف
  5. عن جد نصيحة موجهة للبنات بس بطريقة جديدة وجميلة وملفتة للانتباه ..
    جعلها الله في ميزان حسناتك وياريت كل بناتنا يتعظن منها .

    ردحذف
  6. نصايح هامه اتمنى كل بنت تتحلى بها
    جزاك الله خير

    ردحذف
  7. كلام صحيح 100 100 والصراحة نصيحتك على راسنا أخي ربي يتقبل وفي ميزان حسناتك
    جزيتم الجنة

    ردحذف
  8. كلام صحيح و مفيد جدا شكرا لك
    جزاك الله خيرا

    ردحذف